|
|
|
|
| |
   |
07-07-2011
|
رقم المشاركة : ( 1 ) | |||
|
عضو مبدع
|
جميع قصائد المدح في عتيبه الهيلا
السلام عليكم ورحمة الله وبركاته مجموعه من قصايد شعراء عتيبه و غيرهم من القبائل الاخرى وهذه القصيدة للشاعرالكبير ملفي بن مزيد المورقي مـا دام كـل قـام يمـدح قبيلتـه ويذكـر مناسبهـا ويذكـر فعولهـا لي الفخر في مـدح ربعـي عتيبـه اللي تسلسل من هـوازن اصولهـا ربعي اهل التاريخ والعـز والفخـر ليا مـن دقـت للحرايـب طبولهـا لها الاسم الرنان مع ساير العـرب لا ضيقت بعض العـرب صوتولهـا مثل الجبال الشامخة فـي الجزيـرة مترامية عرض الجزيـرة وطولهـا من قوة هيبتهم ومن قـوة باسهـم كل الديار اللـي يبـون وصلولهـا ليا ساقوا العطفة وسارت جموعهـم الارض ترجف من حوافر خيولهـا تمشي برغبتهـا وتمشـي بكيفهـا ما كن به ناس من النـاس حولهـا لين إنها وسط الجزيـرة تمركـزت وشرف على أطراف الجزيرة نزولها هيـل علـى ماقـال الاول مهيلـة تطـول رغبتهـا ولاأحـد يطولهـا بحكم السيوف اللي تجـاذب قنيبهـا وشلف عريضات وسـاع دحولهـا ماتاكـل الا كـل شيـخ مـجـرب تخلي عن الخيل الاصايـل حمولهـا يوم إنهـم هـاك الليالـي تحـدروا مثل المزون اللـي تدلـت ثعولهـا بروقها بيض السيـوف الرهايـف ورعودها العزوة اليا ضاق جولهـا وثعولهـا البـارود عنـد انصبابـه والدم من فعـل النشامـى سيولهـا هذي وأنـا ملفـي فعايـل عتيبـة ليا من جت المعضـلات ارتكولهـا ومن لاذ بحماهم من الخوف يامـن تضفي علاه عن البلاوي سدولهـا يصيـر فـي عيـط قـوي حجاهـا تخلي وتذري من دخل في كفولهـا ومن طيبها ينسب لها عدة اسمـاء اسماء دواليـب الدهـر ماتزولهـا ذكرت منها البعض والبعض الاخـر ماأوفي حروف رسالتي لين اقولهـا ذباحـة الحايـل ولطامـة الـعـدى حتى نعاتيت الطغـاه شهـدو لهـا قدم العـدى نـارا قـوي جحيمهـا وقدام وجه الضيـف زيـن قبولهـا وأيوابهم طـول الليالـي مشرعـه ما حلجـوا قـدم المسيـر قفولهـا ان جاهم الطرقي لقى العود والشبب ودلال رسـلان تعاقـب بدولـهـا يكيـف الضرمـان خنـة عبيرهـا اهـل كـرم والمكرمـات تعبولهـا وكل السلوم الطيبة مـن سلومهـم سلومهـم سـارت ونالـت قبولهـا كم اصلحوا من مشكلة غير الاخرى الصلح من بيـن القبايـل ميولهـا ربعي سراج الدين في ظلمة الجهـل ما تمشي الا مـا مشابـه رسولهـا قلته وانا شاعـر وامجـد قبيلتـي اللي مـن الحكمـة ثقـال عقولهـا والشاعر اللـي مـا يمجـد قبيلتـه ياعنـك ماثمـن مسـاع سعولهـا همه اليا غنـى القصيـد لمصالحـه ياكل بها العيشة ويعـرف دخولهـا في مدح ربعه ما تدرهـم قصايـده وفي غيرهم محفي سماري ذلولهـا ما يدري ان الدنيا رحاة مستديـرة يمكن عليه الدور ما حـال حولهـا وختامها مني صـلاة علـى النبـي شفيع الامـة يـوم يـزداد هولهـا الشاعرجابر هايف : ياناس حنا من ضنا نجـد عتبـان يشهد لنـا التاريـخ لوقلـت حنـا حنا فياض وإن قسى الوقت ضلعان حنا البحـر مـدام هـالأرض منـا حنا الرعـد حنـا زلازل وبركـان حنـا دمـار الكـون لوقيـل عنـا حنا شعاع الشمس والليل خسـران حنـا الليالـي لاأقبلـن ماوطـنـا حنا غدير يعشقـه كـل ضميـان حنـا غـرام والعـذارى هـونـا حنا الكرم والطيب شايب وشبـان حنا {{عتيبه}} من لنا المجد غنـا حنا سيـووف هابنـا كـل خـوان حنا السنين الماضيـه مـن بكنـا حنا السماء لاصار بالأرض نقصان بعد الولـي هالكـون منـا وإلنـا حنا هنا واعرف بلا كـان ماكـان حنـا هنـا وهنـاك كنـا وإنــا حنا وحنا لوبغـى القـول برهـان المجـد والعـزه سـوى إكتبـنـا شاعر وجيت من الفخر حيل طربان دام الطـروق اللـي تغنـا لحـنـا حنا قصيده شامخه تحـت عنـوان حنا {{عتيبه}} وإنشد الكـل عنـا الشاعرخالد بن حميد بن رازن الذيابي: لطيـب لـه هيبـة وللعـز تيـجـان وللشعـر روادٌ وللـقـول مضـمـون والادمي قبـل الشعـر قلـب ولسـان ما يرفعه شعـره معـا مـن يغنـون ما قيل إبـة رجـلٌ تمرجـل بقيفـان حتى ولو يشهـره ينقـال مـا لـون لو القصيـد يغيـر أحـوال الانسـان ما كـان بالشعـار صاحـى ومجنـون ولـو الرجولـة بالقـوافـى والاوزان كـان العـذارا للرجـولـة ينـالـون سبحـان ربٌ معتلـى فـوق سبحـان قـد قـال بـأن الاغلبيـة يهيـمـون ملا رحمـه الـرب لاشـك خسـران هذا الصحيح وقولـوا اللـى تقولـون يارب تجعل لـى عـن النـار مزبـان يامخرجٌ من ظلمـة البحـر ذا النـون هذا ونـور الصبـح لـلان مـا بـان وأصبحت ويا الليل عاشـق ومفتـون الليل فـى عتمـة ظلامـه ليـا حـان سجة فكر للى مـن الوقـت مشحـون وأشيل جزل القـاف وأجـر الالحـان وأقطف ثمر ما لاق من كـل مـوزون على مدار الفكـر فـى كـل الالـوان أطلقت لى فكرٌ مـن العـام مسجـون (حنـا جبلنـا للصعيبـات عتـبـان) رجالنـا يسـوا مـن القـوم مليـون لاعلى الشموخ إلنا مهابـة وعنـوان بالسيف سطرناة مـن خلقـت الكـون قبيلـة فـى فعلهـا يفخـر الــزان تشهد بها العـدوان وبليـس ملعـون عتبان ناصل فـى هـوازن وعدنـان وحنا خوال المصطفـى خيـر مأمـون نرعى الخطر فى شف حلوات الالبـان تأمـن بأسامينـا وحنـا لهـا عـون يانجد ياكم طـاح بـك روس شجعـان اللـى بصكـات الحرايـب يهـلـون ياكثر ما ضـم الثـرا فيـك شيخـان وكم راس قرمٌ فى صحاريـك مدفـون خلى عشا للسبـع والذيـب سرحـان مضيافهـم بأفعالنـا كــل دنــدون يا نجـد مـا جينـاك للـدار ضيفـان ولا تزعمـنـا بـأتـوات وفـنــون جينـاك بسيـوفٌ تعـزوى بفرسـان اللى علـى حبـك لـلارواح يهـدون قبايـلٌ تسكـنـك مـاهـم بـرديـان لكنهـم بالمعركـة مــن ينـاحـون تنزحوا من عقـب روغـات الاذهـان من فعـل هنـديٌ للارقـاب مسنـون ورفرف علم عتّاب فى كـل الاركـان وزاحت قبايل نجد عن نجـد بضعـون ما سمـوا الهيـلا تمازيـح وإحسـان ألا بفعـلٌ يجعـل الخصـم مطـعـون فعايلٌ يشهـد بهـا الانـس والجـان وعيبٌ على هرجٌ بـلا فعـل مقـرون ويشهد بها نجد المسمـى والاوطـان وأهـل البصايـر بالتواريـخ يقـرون هذا الصحيح محكحـك بكـل ميـزان وهرجٌ بليـا ثبّـت لا طعـم لا لـون وتبقى القبايل شامخـه دون نقصـان ومدحى لربعى ما ينقص مـن الشـون أبفتخر وأنثـر مـن القـول ريحـان ومن لامنى يعيـش ويمـوت مغبـون مانـى نديـم لكـل غـاوى وجبـان اللـى علاقتهـم كمـا سيـر مدهـون علاقـةٌ مــا تنتـوثـق بسيـسـان تصبح كما جمرٌ علـى راس غليـون أهل الرخـا لـو تعتلـى كـل ميـدان غسلتهم عن طرقتى غسـل صابـون أنـا نديـمـى لـلـوازم كحـيـلان راسٌ ما يقبل منـزل الـذل والهـون فى لازمة أسوق لـه غـال الاثمـان وفى لازمى يصبح لى حصون وحصون له بالغلا فى داخـل الصـدر صيـوان وانا أدرى إنى داخل القلـب مصيـون قريـب وألا بعيـد فالامـر سـيـان ما عنـه تصديـدٌ ولا عنـه مرهـون ياليـل فـى داجيـك للشعـر مسكـان حيث الهدو فى عالمـك دوم مسكـون أرعـاك لوحـة تنتظـر رسـم فنـان وأرسم على خدك هواجيس وشجـون وألبسك مـن فاخـر الشعـر تيجـان فيها من الهوجـاس للفكـر مضمـون الشاعر عيضه معيوض الثبيتي العتيبي: بسم الله الرحمن مبداء كلامـي مبدا القصيد ومطلـع القيفـان ولا خاب من يبدا بذكره كلامـه رب العبـاد الواحـد الرحمـان واردّ من حلو المثايل واغنّـي كلام مـوزونً علـى ميـزان هبت هبوب الشعر منّـا ومنّـا ببيوت مثل الطرقـي العجـلان تسابقنْ مابينهم فـي ضميـري الكـل ودّه يصبـح العـنـوان واخترت من زين المعاني معاني وبنيت مبناها علـى سيسـان بيوت شعرً في ضميري تزاحم تارد مثل مـا يـارد الضميـان ارسم معانيها وارتّب حروفهـا صنعة عقود اللول والمرجـان وانا لياجات المواقـف عتيبـي واسعد منهـم ربعـه العتبـان العزوه اللي من خيار العـزاوي اللي لهم بيـن القبايـل شـان قومً يعرفون القبايـل فعولهـا زبن الدخيـل وسـم للعـدوان كم نزّحو لابه وعاشوا مكانهـا يوم أنها سيف وفرس وعنـان تربعوا في وسط نجد وخذوهـا يـوم إدراج الخيـل فالميـدان قحص المهار اللي عليها رجالها تقضّـب المـديـون للـديـان ومصقلاتً عشت النمر والفهد والطير منها ماضـوا جيعـان ربعي هل الطالات لطّامة العـدا لا زادت الشعله علـى الدخـان أهل الفعول اللّي تبيّض وجيهـا لا عدّت الأفعـال كـان وكـان أفعولها يزري لسانـي يعدّهـا والله مايحصيها كـلام لسـان ولو تكتب الأقلام مايكفي الحبر ويمدي الورق خلّص من الدكان برقا وروق أهل السلوم العريبه تاريخهـم بالمرجلـه ملـيـان سمّوهم الهيلا لكثرة جموعهـم هيل المطر من رايح الأمـزان وذباحة الحائل لكثـرة كرمهـم قـومً كـرام تكّـرم الضيفـان ولطامة العايل للطمـة عدوهـم قولً على فعـلً علـى برهـان أمجادهم مثل النجـوم المطلّـه ماتختفـي يـاكـود للعمـيـان وحصونهم مثل الجبال الرواسي امرسّيـه مارسّـت الضلعـان وأديارهم في قلب نجد الموقّـر وقلب الحجاز الشامـخ الفتـان هذي منازلهم وهـذي ديارهـم وهذي مسيرة ربعـي العتبـان و هذي قصيده لا اعرف من شاعرها واعز القبايل فالجزيـره عتيبـه لطامة العايـل وللمـوت هيبـه شرابت الـدم الحمـر نلتزيبـه وينشد طلال وماحصل في شذيبه بقدامنا دسنا الخطر والمصيبـه من بطن نجد اليا حصاته اغديبه مصيبتن ياكبرها مـن مصيبـه والظيط وشليويح كلـن ادريبـه وغيرهم ياكثرهـم فـي عتيبـه تاريخهم سجل اسطورن عجيبـه ساس العرب سهم الجزيره عتيبه و ايضا لا اعرف شاعرها تعرف جميع القوم منهم عتيبـة حتـى لذيـذ النـوم مايهتنيبـه حنا سوات الموت سلطة وهيبـة ونغير فوق المكرمـات الاديبـة عدونـا نسقيـه مـر الغليـبـه صغيرنايذكـر بفعلـه وطيبـه اهل السيوف المرهفات العطيبـة نحميه لو كبرت عليه المصيبـة وخوينا يلقا الصـدور الرحيبـة يعرف دروب العز من غير ريبة تاج الفخر حنا ولاهـي غريبـة ولجل الكرم نفعل فعول عجيبـه نجيب شي ٍ غيرنـا مـا يجيبـه وياطيب حظ اللي يصيح ونجيبه عدونا يوم الطـراد انعثـي بـه والمعتدي ماغير روحه ضريبه نجدٍ لنا ماخلـف نجـدٍ طليبـه فيها زعيـم ٍبالوغـى ننتخيبـه واللي غلبناهم رضـوا بالغليبـه حنا هل الطولات قوم الصعيبـه وعشنا بنجدٍ مادفعنـا الضريبـه لكن نزلنا وسطهـا بالغصيبـة وسجل لنا التاريخ قصّه رهيبـه مرعاه نمشي به ونغرف قليبـه تاريخنا يا ناس محـدن يجيبـه ونلنا عليها غصب ماهو طليبـه و الي عنده اضافه يضيف لكي نجمع جميع القائد في مدح عتيبه الهيلا و ارجو التثبيت |
|||
|
|
07-07-2011
|
رقم المشاركة : ( 2 ) | |||
|
عضو مبدع
|
رد: جميع قصائد المدح في عتيبه الهيلا
الشاعر سلطان الهاجري:
ياصاح سلم على سعد بالتلفون كانه من العضيان لي فيه حاجه قومن تجيب ديون وتخلص ديون للضد ضد وللرفيق ابتهاجه اليا اعتزا واخر عزاويه تكفون ردوا هل الرده وفلوا حجاجه وان ركبت الجمره على كل غليون يعدلون الي براسه عواجه تارد بهم جرد السبايا ويردون والهم على الجمع الحفيف اندراجه اي والله العضيان وابليس ملعون حماية العطفه نهار المواجه غنيت والشعار مثلي يغنون بالي رواه اليعربي والخواجه والي دفعني لاغنيت هاللون فعلي كذا بمدح النشاما مزاجه افخر بسمعة كل طيب ودندون ولا فلالي فالاجاويد حاجه افهم كلامي يابوغازي ولاتهون والي يمر السوق جاله خراجه ومازاد عن معناه عيب وسماجه الشاعر فالح بن قشعم الهاجري يمدح قبيلة عتيبه والأمير / تركي بن حميد بيوت الشعر ما توفي شعورٍ حـرّك الوجـدان وفاض به الصدر عقب الوساعه وامتلا شعيبه كلامْ يوقّف المعنى علـى رِجـلْ ويهـزّ آذان يِشيب اله الولد ويـردّ حِلْـم العمـر للشيبـه وليه اكتم وانا ما الله بجابرني على الكتمـان بغتاب العرب لـو فالشريعـه تَحْـرَم الغِيبـه سلام الله على روس العرب ولاّ على العتبان صناديد الفخر والمستريب يموت فـي ريبـه لو التاريخ ينطق ما ترك لاهل اللسان لسـان ولا له غير برقا وروق تاريخٍ يهـذري بـه لو ان العزّ كان حصان لا يِعسَف ولا ينهـان لقيت أدنى صبـي فعتيبـه يودّيـه ويجيبـه تساميّ يا بيوت الشعر عمّا يجـرح العنـوان وهاتي كلّ مضمونه من عتيبـه إلـى عتيبـه على الشيخ الكبير اللّي صهيله يِفزع الفرسان سلام الله ، عسى الله يحسن لمثواه ويثيبـه بكى له نجد واهتزّ الجنوب وصاحت الصمّـان على موت الكبير اللّي بقى مجده يماري بـه قريته لين قلت الشان عقبه ما بقى له شـان حفظته لين قلت الشعر عقبه من يغنّـي بـه مواقف تركي بن حميد تقصر دونها الشيخان لو ان المجد هيّن شفـت كـلٍ فـي مراقيبـه عتيبه قبل تركي شامخـه وتزلـزل الوديـان ومع تركي تلبّسها الفخـر والمجـد والهيبـه اليا منها اسكنت ماكنّ في مرباعهـا سكّـان لولا صوت النجر يكفي بصوته عن معازيبـه سلام لمن بغى السلم وتعوّذ من قذى الشيطان وملجا لمن هموم الوقت تومي به وترمي بـه وايلا من حركّوها ياقف المارد ويصحى الجان تصلّي شرق واللي ما تصلّي به تصلّـي بـه وايلا من ثار بارود البنادق واحتمى الميـدان تجرّع خصمها مرّ الهزايم واشهـب الخيبـه ولازالت على راس الشرف يرجح بها الميزان من السيف المصقّل فالوغى للجـود والطيبـه حقايق واضحه والجاهل اللي يطلب البرهـان هذاك اللي الحسد خلاّه يسبح فـي عذاريبـه يجوز إنّه يبيع الما على اللي يحتضر ظميـان ولكن لا يبيع اللي يتصـدّق مـن مشاريبـه هواي عتيبي وساسي يعنّز بي على قحطـان ولا باصله يشكّ إلاّ الوضيع اللي كشف عيبه ليا من فاخرك من قال كنّا فـي زمـانٍ كـان يكفّي يا العتيبي لو تقول إنّـك مـن عتيبـه |
|||
|
|
|
07-07-2011
|
رقم المشاركة : ( 3 ) | |||
|
مـشـرفـة عــامــة
|
رد: جميع قصائد المدح في عتيبه الهيلا
صح آلسنت الشعآر وسلمت
يدآك ولآهنت ع النقل الطيب آخوي سفير يعطيك العآفيه |
|||
|
|
|
07-07-2011
|
رقم المشاركة : ( 4 ) | |||
|
عضو مبدع
|
رد: جميع قصائد المدح في عتيبه الهيلا
تسلمين على المرور و اشكرج على المرور
و لماذا لم يتثبت الموضوع ارجو التثبيت |
|||
|
|
|
08-07-2011
|
رقم المشاركة : ( 5 ) | ||
|
عضو مبدع
|
رد: جميع قصائد المدح في عتيبه الهيلا
يسلمو ع الموضوع الرائع وصح لسان كل شاعر منهم
والله يعطيكـ العافيه يا سفير شكراً لكـ تحياتي |
||
|
|
|
10-07-2011
|
رقم المشاركة : ( 6 ) | |||
|
عضو مبدع
|
رد: جميع قصائد المدح في عتيبه الهيلا
تسلم على المرور
اشكرك من كل قلبي |
|||
|
|
|
11-07-2011
|
رقم المشاركة : ( 7 ) | |||
|
عضو مبدع
|
رد: جميع قصائد المدح في عتيبه الهيلا
سفيــــر
اشـكرك عالنقــل الرائـــع وصح الله السنتهم والله يبيض وجيههم شـكــ وبارك الله فيك ـــرا لك ... لك مني أجمل تحية . |
|||
|
|
|
13-07-2011
|
رقم المشاركة : ( 8 ) | |||
|
عضو مبدع
|
رد: جميع قصائد المدح في عتيبه الهيلا
تسلم على المرور
اشكرك من كل قلبي |
|||
|
|
|
13-07-2011
|
رقم المشاركة : ( 9 ) | |||
|
عضوة مبدعة
|
رد: جميع قصائد المدح في عتيبه الهيلا
يعطيك العافيه أخوي سفير موضوع رائع وسيبقى موروث لكل من تخفى عنه خصال عتيبه أنا سأضع أى قصيده يمدح فيها أي عتيبي أو أي فخذ من عتيبه لأن مدح الواحد كأنه مدح قبيله  هذه القصيدة عثر عليها أخيرا
وشاعرها اسمه ابن عفرين كما ورد في النص من قبيلة الثبته من قرية لغب بني سعد يتحدث عن ربعه الثبته وأكثر الاسماء التي ذكرها الشاعر القبائل والعوائل متواجدين الآن والبعض غير موجود. يالله ياللي تنبت النبـت مـن عــــــــــدم يـا عـالـم بالـسـر و البـيــــــــــــــــــان يامن خلقت الخلق منحيـز العــــــــدم بأمـرك اذا قـدرت شــي كــــــــــــــــان نطلبك في الجنه وفي صالح العمــــــل يـارب يـا معبـود يــامـنــــــــــــــــــان تعـزنـا ياربـنـا فــي ديـارنــــــــــــــــــــا وحنـا عبيـدك ياعظيـم الـشـــــــــــــان نطلبـك يامعبـود تسقـى بـلادنــــــــــــــــا غيث يجـي مـن صـادق الامــــــــــزان يقوله ولد عفرين من نسـل قســـــــور يحـد ابـا الحـارث عـن العتبــــــــــــان والجد ثابت والنسـل نسـل قســــــــــور مـا نعطـي القصـره لأي كــــــــــــــان نثني العاصـي ولـو كـان قاســــــــــــي بالسيف الأملـح كائـن مـن كـــــــــاـن عاداتنـا مـا ننـدرق عـن حريبــــــــــــا ولا هي لنـا عـاده مـع العربـــــــــــان مـن طبعـنـا مانـافـر الخـصــــــــــــــــم قـول صحيـح مايـبـي بـرهــــــــــــــان هـذي مذاهبنـاوهـذي طبايعـنـــــــــــــــا اهل الوفـاء مـن طيلـة الأزمـــــــــــان وديارنـا تعـرف سـراة عتيـبــــــــــــــه مرسـى قبايلنـا عـلـى الـحــــــــــــدان ومنزالنا وادي لغب في شفا الحـــــــدب بمقـر اوايلـنـا مــن الـجـــــــــــــــدان وانا بردالمـدح فـي جـال ربعـيـــــــــــي يا نـعـم بالـفـرزان والشـقــــــــــــــــران اقـول قـول يعرفـه كـل واحـــــــــــــــــد أهـل الوفـاء العـردان والحمــــــــران ولاني بناسي من له المدح والثنــــــاء الجمـلاء والحيصـان والحبـصـــــــان واولاد السنيدي هم هل العز والوفــاء ذوي فـرج وطلحـه وبـن رمثـــــــــان والجاهمـي منـا وبيـت الدبـاســـــــــــا والحبلـصـي باقيـهـم العلـجــــــــــــان واولادمنصور اهـل قالـه مديمـــــــــة أهل كـرم وفـي اللقـاء شجعـــــــــــان وبن هرمسه واولاد عواد في الرحاء مـا مثلهـم للضيـف والجـيــــــــــــران والمحرثـي دايـم عزومـه قويــــــــــــة ومحتمـي غـارب مـع الفـيــــــــــــدان وعامر ولد قسـور شقيقـه عطيــــــــه ومـروح وظافـر وناجـم ودهمــــــــان وشعيري ودراجي وشرطي وحافـــــي وشتيوي وثعبانـي وبـنضبعـــــــــان ومخلد هل الطالات في اللين والقسى والشربـي والـبـراق والـغـــــــــــدران واولادالكريزي والجوازي هل الفعـــل ولانـي بناسـي عزوتـي وقـــــــــــدان واولاد مروح في اللقـاء لا نخيتهــــــم يجـون فزعـه كنـهـم عقـبــــــــــــــان وربعي ثبيت أهل الوفاء مع بني سعـد صريري ولصي مـن بنـي عدنـــــــان والقسـوري يـرد زيـن المثـايــــــــــــل مثايـل مــن لـولـو ومـرجـــــــــــــــان ونحكم بشرع الله اذا جـاء طلابـــــــــه ولا نذهـب لثقـبـه ولاعـجـــــــــــــلان وابو نمي حكمـه علـى حـد مكـــــــــــه ماياصـل الزيـمـه ولا الريـعــــــــــــان قلته ولانـي فـي القصيـد مبالــــــــــــغ مـدح يشرفـنـا مــع العتـبــــــــــــــــان يالله تحفظهـم وتعـلـي مقامـهـــــــــــــم يـا مـن بامـره كـل شـي كـــــــــــــــــان في عام سبعميـة وخمسيـن قلتــــــــــه مـن هجـرة السيـد ولـد عدنــــــــــــان وصلو علـى خيـرالرسـل محمــــــد آخـر رسـول بـقـدرة المـنـــــــــــــــــان |
|||
|
|
|
13-07-2011
|
رقم المشاركة : ( 10 ) | |||
|
عضوة مبدعة
|
رد: جميع قصائد المدح في عتيبه الهيلا
 يقول الشاعر\بركي بن شباب بن سعد بن صنان الدعجاني نـبـدأ بـذكـر الله رب العـمـومـي رب ٍ خلقنـا نطلبـه كــل يـومـي أنــه ينجّيـنـا نـهـار الزحـومـي ويجعـل لنـا الجنـة مقـر ٍ ومسكـان من بعـد ذكـر الـرب بأبـدا المثايـل فـي مـدح ربـع ٍ يكسبـون الجمايـل الاد مفلـح يــوم وقــت الفعـايـل تاريخهـم معـروف فـي كـل ديـوان واللي طرالي يا مشاكيـل فـي القـاف بأسمّـي أفخـاذ الدعاجيـن بإنصـاف ربعي حزامي في اللقاء درعي الضـاف يستاهلون المـدح فـي كـل الأزمـان منهم ملابسـة ٍ علـى العـز راسيـن بذالت المعروف فـي العسـر والليـن وذوي خيـوط مرجحيـن المـوازيـن اللي لهم فـي صفحـة المجـد عنـوان وهـدف هـل العـادات حمّايـة الحـد متوارثيـن الطيـب جـد ٍ ورى جــد والاد عالـي فـي زمــان المـلاهـد كسابـة الأمـداح فـي كـل مـيـدان وسوالمـة كسابـة المـدح والطـيـب عز الصديق وضـد عيـن الحواريـب أقولهـا مـن دون شـك ٍ ولا ريــب الاد مفلـح كلهـم ربــع وأخــوان ومن بعد هذا فأسمحـوا لـي يالأبطـال بأسمّي فـروع السوالـم فـي الأمثـال واللـي حـدانـي للتماثـيـل قــوّال يهـرج بعلـم ٍ فيـه زود ٍ ونقـصـان الله يجـمـل حالـكـم يالمـراغـيـن أهل الوفاء والطيـب نسـل السلاطيـن والاد غــلاب الـرجـال الدنـاديـن حمّايـة الساقـة طويلـيـن الأيـمـان ومنهـم مخامـرة ٍ رجـال الشجاعـة ربـع ٍ علـى الطـالات فيهـم بتاعـة وألا الديـارا فـي زمـان المجـاعـة قوم الكـرم ذبّاحـة الحيـل والضـان والاد متعـب كاسبـيـن النوامـيـس أهل الشجاعـة امخضّبيـن العبابيـس والاد جويعـد مطلقـيـن المحابـيـس لطامـة العايـل عمـى كـل ديّــان والاد ضفـيـدع محتمـيـن التـوالـي كسابـة الأمـداح فـي كـل حـالـي وجمـع الشهاويـن القـروم الرجالـي والرجل منهـم مـا يـراوغ ليـا بـان وتلقى اللحيمـي يلتهـب كنـه الذيـب وان جاء نهار الهوش عطيب المضاريب وربوعنـا الظرفـان فكاكـة النـيـب اللـي فعايلهـم شهـيـرة بـالأكـوان وأذكر هل النامـوس جمـع العجاليـن نطاحـة البـارود كـرب المعـاديـن وسربـة حسانيـن ٍ يعـزون الأدنيـن بفعولهـم نعـتـز لا ثــار دخــان ومنهم هواشلة ٍ علـى الطيـب والعـز وأرماحهم في كبـود الأخصـام تركـز والاد صنـان ٍ علـى خيـر مـركـز يوفون فـي كـل المواقـف والأشـوان ذولي السوالـم لابـة المـدح والطيـب عز الصديق وضـد عيـن الحواريـب أقولهـا مـن دون شـك ٍ ولا ريــب الاد مفلـح كلهـم ربــع وأخــوان وصـلاة ربـي عـد وبـل الخيـالـي وعـداد مـا يبـدي القمـر والهلالـي وعـداد خـلـق الله بــأول وتـالـي على الرسول الهاشمـي نسـل عدنـان |
|||
|
|
 |
| أدوات الموضوع | |
| انواع عرض الموضوع | |
|
|
 |
 |
 |
العرض العادي
