:: مـنـتـدى  عــتـيــبــة الـــهـــيـــلا بـدولـة الـكـويـت ::

:: مـنـتـدى عــتـيــبــة الـــهـــيـــلا بـدولـة الـكـويـت :: (http://www.otaibahq8.com/index.php)
-   قصائد الأعضاء (http://www.otaibahq8.com/forumdisplay.php?f=22)
-   -   خالي ولد مستور عواض مستور —- وابوي ابن ناجم سعيد الذيابي (http://www.otaibahq8.com/showthread.php?t=18212)

نظام ساهر 15-09-2020 03:37 PM

خالي ولد مستور عواض مستور —- وابوي ابن ناجم سعيد الذيابي
 
اللي جهل يأخذ عن علومنا دور
ينشد ويلقى في سؤاله جوابي

حنا بني ذايب ليا أختلّ طابور
نعـدّله ماطاح منّـا مصابـي

لفعولنا دارنً من المزن ممطور
رعاّدها يضرب جموع السحابي

وإن كان صوته دنّ بالخير مذكور
صوته يوقف قلب حمر العلابي

آلاد ذايب تعطي الشور وتشور
وسيوفنا ماتعتـرف بالجنابي

تشهد لنا الساحات والعلم مخبور
عشنا على منهج وعزّ وصوابي

مافيه أحد منّا يوالفك يالزّور
رجاّلـنا بيت النـقا فيه رابـي

فالآخرة طمعاتنا جنّة الحور
وفالأرض مكسبنا الكرم والثوابي

بانين فالدنيا عمارات وقصور
ميراث لاحفادنً بعدنا تجابي

أليـا نصانا ضيف بالخير مأجور
يقلط على الواجب بلياّ حسابي

ووجيهنا لدخيلنـا كـلـهـا نـور
للموت مانحسب طعام وشرابي

ووعودنا ماهي مواعيد بلفور
وعهودنا ماهي بنيبان دابي

الماقف الحسّاس حناّ له صقور
وقفاتنا ماهي بريشة غرابي

حنا حواتم طيب من ماضي عصور
للمعركة سيفنً يقصّ الرقابي

تاريخنا في وجه الأياّم مسطور
محفوظ ماوالله نذلّ ونهابي

قلته وانا شاعر ولاألفّ وادور
يميني من الصدق تمسك كتابي

واللي يبا يعرفني اليوم ويزور
للضيّف والجيران مفتوح بابي

خالي ولد مستور عواض مستور
وأبوي أبن ناجم سعيد الذيابي



عيد الذيابي ....

سفير العصمه 16-09-2020 06:50 PM

صح الله لسانك


الساعة الآن 12:39 PM.

Powered by vBulletin® Copyright ©2000 - 2022, Jelsoft Enterprises Ltd. , TranZ By Almuhajir