• الرئيسية
  • التسجيل
  • التحكم
  • اتصل بنا

العودة   :: مـنـتـدى عــتـيــبــة الـــهـــيـــلا بـدولـة الـكـويـت :: > المنتديات الأدبية > قصائد الأعضاء > منتدى دواوين شعراء المنتدى

إضافة رد
 
أدوات الموضوع انواع عرض الموضوع
قديم 14-06-2015   رقم المشاركة : ( 281 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

عسى السحاب اللي بروقه تلوحي
والوبل له في داجي الليل همال

على شفاء نجد العذيه يجوحي
وديانها وجبالها هي والاسهال

من شان تبرا يابن عالي جروحي
لا ربعن اديارنا بعد الامحال

هذا هوا نفسي وفكري وروحي
ترتاح له نفسي ويطرب له البال

ياوصل يالشاعر طويل الشبوحي
شرواك عرفه عز ياطيب الفال

يفداك زهافٍ حصانه جموحي
يرخي عنانه كل ماشاهد ازوال

عجلٍ بسره والضماير تبوحي
ويضحك عليه اللي يحب التبهلال

عيد بجاد بن شده
  رد مع اقتباس
قديم 14-06-2015   رقم المشاركة : ( 282 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

يقول عيد بجاد من فكر وحساس
من عالمٍ ترزف على غير داعي

ناسٍ تقول الدرع والسيف والطاس
لجدونهم ذخرٍ بليا نزاعي

دايم تمحلس بالسوالف تمحلاس
وجدادهم خلف الغنم بالمراعي

اطيبهم اللي يركس التين بركاس
الطير معهم ما لقا له متاعي

قال المثل خسران من يطبخ الفاس
يبا العشاء وامسوا عياله جياعي

واصبح عليل وجوهر الفكر منحاس
حتيش لو يملك من المأس صاعي

متملسٍٍ بين النشاما تملاس
الرؤوس يتبعها خطات الكراعي

يمثلون كُليب والفعر جساس
وبالمعضله مثل الزنون المقاعي

تشرب ثمر حلتيت من صافي الكاس
وتنصاع لاهل المال كل انصياعي

اجمع شتات افكارهم يابو نواس
واسمع كلامٍ صح ماهو صناعي

واعرب ضمير العيطموس ام الالعاس
واتعب سماري سابقك بالمساعي

وخذ السوال اللي على عدة اجناس
وقره وجاوب ياقصير الذراعي

انشدك عن هرشٍ تولاّه عرماس
هرش(ن) منيب وجاه حمر(ن) رباعي

حمر(ن) عزوم(ن) بالرسن تضرس اضراس
كوم(ن) من العيرات مركب شجاعي

عمليت(ن) تقطع رهاريه الارماس
فيها ليا طال المسير اندفاعي

مع فندقٍ مجهول ما طبه اوناس
الا مداهيل الظباء والسباعي

الكور جباوي وتمرس به امراس
وزادت عليه مع الغباء والرفاعي

ساج الحقب بالهرش والسير بالراس
وطال النهار وديدن الهرش ضاعي

عطني جواب(ن) صح ولا اترك الناس
ترا البشر من كثر هرجك شباعي

عيد بجاد بن شده
  رد مع اقتباس
قديم 14-06-2015   رقم المشاركة : ( 283 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

عسى الذنايب تساقيها الودادين:
من عارض(ن)مدلهم(ن)مستهلّي:

ينثر غزيره على وادي حبيّرين:
ويسيل منه الجرير ويسفهلّي:

وزبدان يمشي منه يامنيف يومين:
والبدو بالبوش بأطرافه تحلّي:

واسج فيه القدم وتشاهد العين
ديار قوم بزايرها تهلّي:

واشوف حسّله وعكليه وفرقين:
وهظاب سفوه مع الغبشه زمن لّي

يزمن سفوات وتشاهدهن العين:
والخال شوفه مع العبله يسلّي

اضني ارتاح من هم(ن) له اسنين
وتعف نفسي وتقبل ماحصلّي

لو كان كل البشر يامنيف فانين
والعمر كله يابن شده مولّي:

لابد من ساعةً فيها معزين:
فيها المعزين في بيتي تحلي

الشاعر:عيد بن شده
  رد مع اقتباس
قديم 14-06-2015   رقم المشاركة : ( 284 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

ياعبيد ياكثر الغلط والتبجاح
من عالم ياعبيد مايصدقوني

ناس نواظرهم من الكره شطاح
وقلوبهم فيها البلأ والغبوني

تأخذ بعرض الناس مسرى ومصباح
دايم سوالفهم على مايبوني

دقوا طبول الحرب في قصر الافراح
وبالسامري والدرسعي يرزفوني

هم يرزفون لكل ساذج ومزاح
وانفوسهم فيها الحقد والحزوني

تسكن ضمايرهم غرابيل وجراح
ماجيتهم ياعبيد لكن جوني

انا اترك الموضوع ياعبيد وارتاح
ولا اذكر اسماهم وهم يسمعوني

واليا ذكرت الاسم طاح الهدف طاح
وان ماطرحته ياعبيد اتركوني

انا مع اهل البحر ياعبيد سباح
وعندي تجارب في كثير الفنوني

لاكلب الشارب ولاح الغضب لاح
لومك على اللي بالمواقف يهنوني

ياعبيد والله مالهم مطلب(ن) راح
عندي ولأعرف ويش مني يابوني

لكن بلغ لي كثير التمطراح
النفس يسجنها بوسط السجوني

في مجلس القاضي يسبح بمسباح
ويسجد مع اللي بالدجاء يسجدوني

ويتوب عن ماضيه مع ريم الابراح
بالخود لايكحل جفون العيوني

وان كان دمه داخل المدرعه فاح
خله يجاوبني ويدحم جنوني

ياخذ معي في رونق الشعر مسراح
حتى التغطرس من هجوسه يهوني

وطيره يصوت له بشلوه وملواح
ويبرقعه ويقرنسه بالحصوني

الشاعر عيد بجاد العتيبي
  رد مع اقتباس
قديم 14-06-2015   رقم المشاركة : ( 285 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

يارجم عطني عن مراعيك تقرير
عطني من اللي صار يارجم صوره

يارجم انا خابرك جوك عثاميرح
واهل الغنم يارجم صعبٍ تزوره

تنزلك بدوٍ يضعنون المظاهير
ريف الرفيق وللمعادي نموره

واليوم فيك من الشواوي دواوير
يرعابك الشاوي ويبني خدوره

قبل الشواوي يشترون الحناتير
نرعاك بالملحاء السناد الذعوره

طياحها يارجم قدم المعاشير
في خايعك يارجم وقت الحروره

وان جا نهار الورد تبعدك بالسير
يركب بها الراعي وتبعد نشوره

يازينها لا صملت بالمعابير
تبى جباء عدٍ قليله نشوره

غربٍ من الهظبه شمالٍ من النّير
العيلم اللي للجدود مخبوره

الشاعر عيد ابن شده
  رد مع اقتباس
قديم 14-06-2015   رقم المشاركة : ( 286 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

الحال يابن حسين طاويه طاوي
من هاجسن ينتابه احيان واحيان

الهاجس اللي فيه بعض الهقاوي
يخلف ضنون مدلهت كل ديقان

مرأ يناجيني وحبله رهاوي
ومرأ يناجيني من الضيم طفشان

يرف في صدري رفيف النداوي
وافز وطرب له ولوكنت تعبان

واكثر الترحيب مع عود جاوي
والهيل والبن اليماني مع الضان

واليا زهمني جيت فوق الحراوي
وجو الحضاره منه ماني بطربان

شفي هجيني في ديارأ خلاوي
ولا العب المسحوب ياطير حوران

مع درب شرشوحن فحلها سهاوي
ترعا من البره اليا برق عردان

وان كنت انا بالقول ياصاح غاوي
ترا الكمال لخالق الانس والجان

الشاعر:عيد ابن شدة
  رد مع اقتباس
قديم 14-06-2015   رقم المشاركة : ( 287 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

اباء المعلم ثم يا ربا
يشرح على بعض الدروس

في مهجته علمه لزا
مشغول باليوم العبوس

ماهوب شايف بالدجا
يحط لك رقم الجلوس

يسج مع حلو النبا
يرقد على صدر العروس

من حبها طاح وحبا
يسكن بها ظل الغروس

يحب ذعذاع الصبا
خارج مغاليق الحبوس

لا حان له فرصه جبا
ويشجع البنت العنوس

دايم يطبطب طبطبا
في ديرة الناس الهيوس

يبيع في سوق الربا
ويخضع لحكم العيطموس

ينهج مناهيج الشقا
ويرغب ملايين الفلوس

والعندليب ام الخبا
تهوس مياسه تهوس

تهوس مع ريم الظبا
والها ترانيم وطقؤوس

والعطر جابه من سبا
من حبها زار المجوس

شيخ(ن) يصلي ويحدا
لكن بالسنه يحوس

يشب ضوءه بالغضا
ماحط بالبيداء كبوس

عن حلته ذل وكبا
سرى بها الكلب الندوس

والضؤ في داره خبا
ماعاد له فيها رموس

عيد بجاد ابن شده
  رد مع اقتباس
قديم 14-06-2015   رقم المشاركة : ( 288 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

تال الـعـشى عديـت راس الــنـزاوه
وسقت النظر بالعاليه تالي عصيـر

وذكرت عــصـرٍ مـثّــلــوه الـسباوه
عـصرٍ مضى ياناس مافيه تقصير

عـصر البداوه والطرب والعزاوه
مع ضف قوم يكرمـون الخطـاطـيـر

لطامت العايل بسرد الفلاوه
وفي سلمهـم للحيل تلقا جزازير

وهنِّيت شخصٍ مانشاء بالبداوه
مرتاح ماشاف الضعن والمظاهير

ولاتل قلبه حـب ذود(ن) نــقـــاوه
فنس الخشوم اللي تنومس على البير

لاجـاء نهار الورد فـيـهــا عــــداوه
تدحم هل البوش الحمر والمغاتير

واليا ندبهـا اللي يـعــرف الـنداوه
تسمع صريـح لحيَّهـا بالبواصير

سودن طــوالن مـادخـلهــا رخاوهص
شوف النعـش بخدودها عز يامنـيـر

وان شدَّوا الـبدوان مــــع درب ناوه
وجرَّوا جـرايـرها يــبــون المحـادير

فـيـهـا مع الممشى جراه ورهاوه
يـازيـن رد عـيالها تالي عـصير

في خايعٍ نبته جديد وحلاوه
الديدحان مع النفل له نواوير

شـرق النفود وغـرب جو الـسـمـاوه
قبل الشواوي يـشـترون الحنـاتـيـر

ولاسج بالـه بـالــوفــاء والـنــقــاوه
مع عندلـيـب(ن) ماربت بالجـواخـيـر

يطـرب لها المشـتـاق كـل الـطـراوه
عسلوجـتـن مـاهـاتـفـوهـا النواطير

ماهوب مثلي فيه هم وشــقــاوه
اليا ذكر نزل الـسلف والدواويـر

عـاف الحـضاره والـكلا والهداوه
حضارة فـيها الطفش والمزامير

والنوم فـيهــا والكسل والـرداوه
وراع الولع فيهـا يشوف التفاكير


عيد بجاد بن شده
  رد مع اقتباس
قديم 14-06-2015   رقم المشاركة : ( 289 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

غنيت بالطرق القصير
واحوف بيت الشعر حوف

وانا بديدنها مدير
وألطم زعانيف الانُوف

عشير للطيب عشير
واللاش ياجعله ذلوف

النهر مايشبه غدير
معروف لاهاج معروف

ياغلام زاورك النذير
يدحم بجنبه والكتوف

احذر يعرضك الحضير
يحوف بالغدراء يحوف

يعوم في بحرٍ غزير
ويرسم طلاسم بالكفوف

رد المهند بالجفير
ماعاد تنفعك السيوف

خل المطامر ياطمير
القيد بالقين محقوف

تثير والا تستجير
افل قمرك للخسوف

لكن دور لك خبير
مدرك بغمقات الحروف

من سرعته يمكن يطير
لا طب ميدان الصفوف

شوفه مع الغدراء مُنِير
وبالنور مايقدر يشوف

شرير بالمسراء شرير
زهوف بالحجه زهوف

يعرب ويجهل بالضمير
لو قال مايقدر ينوف

عطه التذاكر بالمسير
وعطه الحلايا والوصوف

خله يفر مع النفير
ويمشي على رؤوس القنوف

نظير بالمجلس نظير
يحب تفتيش الرفوف

يهج من صوت الصفير
لازقزقت صار مهروف

وخط الرساله بالحرير
والطرس حطه بالظروف

واكتب عليها دير دير
رهبان حناء دير ادوف

تاصل اليا بابا زفير
اللي يرحب بالهنوف

ويرقد على صدر الضرير
ويلعب على كل الصنوف

مسكين مايقدر يسير
لو حج مايقدر يطوف

مستشعرٍ يشبه جرير
ويرقص على دف الدفوف

غرير في عقله غرير
دايم على الهزله عزوف

حقير في طبعك حقير
حلوف بالكذبه حلوف

لكن برطل للوزير
يمكن يزوجك العيوف

والبوم تسمع له صفير
بالليل ينعق بالكهوف

والارمني شّراب شير
لو كان مايكرم ضيوف

يخر مع ميسا خرير
وحط المضّرب بالردوف

ينثر لها الباشق نثير
مع طرفها دايم طروف

شاطر ويجهل بالشطير
عند ام عامر بالحجوف

الخيل ماتنجب حمير
والعنز ماتنجب خروف

والطير مايقدر يطير
لاصار بالريش مخطوف

عساك تسكن زمهرير
ياغلام ياشيخ الشفوف

الثلج عندك وسط زير
ثلجٍ حنازيبه صفوف

حتيش لو جالك هديّر
اجمح بها واذلف ذلوف

خل الثمد واشرب خمير
ازحف بها بابن الزحوف

اليوم قر ابك القرير
ينتابك الهيس النتوف

احفر ودور بالحفير
خاتم مونست العطوف

عيد بجاد بن شده العتيبي
  رد مع اقتباس
قديم 27-06-2015   رقم المشاركة : ( 290 )
شــاعــر


الملف الشخصي
رقــم العضويـــة : 1897
تـاريخ التسجيـل : Jul 2012
المشاركـــــــات : 1,541 [+]
آخــر تواجــــــــد : ()


اخر مواضيعي
 

عيد بن بجاد غير متواجد حالياً
 


افتراضي

سجيت سجت مريض(ن)سج:
مع هاجسه سجت افكاره:

يسج في غفوته ويلج:
ويسأل طبيبه عن اضراره

تقريره المعتمد محرج
وحرج مع الناس زواره

ولا صغير(ن) بعد دفلج:
عمره كما طلع نواره:

بعد توفى ضنينه دج:
وخته مع الورع محتاره

ولا كما اللي قفاه العج:
مطلوب والناس غداره:

جاب الجواري ومنها هج:
مع عثعث(ن) ثور غباره:

وثار النهيلي عليه ورج:
نفسه والافكار جباره:

وقفا مع التهلكه يدلج:
غريب ومغادرأ داره

وانا من اللي حصل محتج:
من واحد(ن) كثر اعذاره:

حبه يخج الضماير خج:
اركاء على الكبد معباره

علي بالسالفه معوج
نفسه من البعد مغواره

يفداه حي(ن) سكن في وج
يفداه ياعبيد مع جاره

ياعبيد انا صاحبي مغنج
شبيه صفراً مع الغاره

صفراً نهار الوغى تمرح
مع فارسٍ تعرف اذكاره

كن القمر بالنحر يلعج
وسط الملا تصطع انواره

اصفر حمر بالوصوف ابلج
مامون مامونه اسراره


عيد بجاد بن شده
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

RSS RSS 2.0 XML MAP HTML

الساعة الآن 08:15 PM.


Powered by vBulletin® Copyright ©2000 - 2021, Jelsoft Enterprises Ltd. , TranZ By Almuhajir