ديوان الشاعر عيد بجاد معوض بن شده العتيبي

صح الله لسانك يا بن بجاد...
ولاهنت ع الديوان المميز...

لي صاحبٍ مملوح بأول شبابه
اسمه مع اللابه على الحزّب الفيح

عذبٍ جوابه والشمطري خضابه
ما قلد البويات عذب التلاميح

من سوق صنعاء للحويجه وطابه
ماله مع العالم شبيه وتطاريح

غروٍ غريب الوصف قلبي صطابه
عليه من وصف الكحيله تطاريح

عنق المها ياحي دارٍ نشا به
عين الوحش في عاليات اللحاليح

جابوه من قزوين توه قضابه
جابوه خدام الشيوخ المفاليح

وجدي وجود اللي عطيبٍ صوابه
ربعه على الزلبات مثل الزنانيح

عاقوه قومٍ بالمعارك ذيابه
خلي عشاء للجايعات المشافيح

في ما مضى كل القبايل تهابه
واليوم جوه الصاملين الطحاطيح

عيد بجاد ابن شده